Organizata jo qeveritare, Wikimedian-ët e Gjuhës Shqipe po zhvillon garën “Wiki Loves Earth” që është njëherësh edhe një garë botërore e fotografisë. Kjo po bëhet me qëllim që peizazhet mahnitëse të Shqipërisë dhe Kosovës të dokumentohen dhe të paraqiten në hapësirat sociale.
Wikimedian-ët e Gjuhës Shqipe ftojnë fotografë profesionistë, amatorë, të apasionuarit pas
fotografisë dhe natyrës t’i bashkëngjiten garës.
Gjithashtu në kuadër të garës “Wiki Loves Earth Albania & Kosovo 2023” do të ofrohen çmime për fituesit. Tre fituesit nga Kosova dhe 3 fituesit nga Shqipëria do të ndahen: Vendi I – 200 euro; Vendi II – 150 euro; dhe Vendi III – 100 euro.
Mundesh me e lexu edhe…
Kjo garë fotografie promovon krijimin dhe përmirësimin e përmbajtjes së Wikimedia-s me
bukuritë e natyrës së Kosovës dhe Shqipërisë, si dhe nxit komunitetin të vënë në pah vlerën e
tyre.
Fotografët kanë mundësi të shfaqin talentin dhe punën e tyre në Wikipedia dhe jo vetëm.
Pjesëmarrësit dhe entuziastët e natyrës duhet t’i ngarkojnë fotografitë në periudhën 1-31 korrik.
“Wikimedianët e Gjuhës Shqipe“, ftojnë të gjithë njerëzit që janë të apasionuar pas fotografisë të marrin pjesë në garën “Wiki Loves Earth Albania & Kosovo” në datat 1-31 korrik, ku synimi kryesor është kapja e pasurisë së trashëgimisë natyrore.
Pjesëmarrësit do t’i ngarkojnë fotot e tyre në projektin simotër te Wikipedias që është Wikimedia Commons.
Për të mësuar më shumë rreth garës dhe për të gjetur informacione të detajuara, ju ftojmë të vizitoni këtë vegëz:
Përgatiti:
