Origjina e logos së Threads krijon konfuzion

Meta e lansoi Threads-in zyrtarisht gjatë së enjtes. Aplikacioni i ri i rrjeteve sociale ka dal në treg për të garuar me Twitter-in e miliarderit Elon Musk. Kjo platformë u mundëson njerëzve që të bashkohen the të diskutojnë për gjithçka “për atë që u intereson sot e që do të mund të jetë në trend nesër”.

Mes gjithë kësaj, shumë përdorues të internetit kanë vënë në pah se logoja e këtij aplikacioni është shumë e ngjashme me alfabetet Tamil dhe Malayalam të gjuhës Dravidian.

Disa përdorues kanë pretenduar se projektimi i kësaj logoje u inspirua nga shkronja “Ku” e alfabetit Tamil, përderisa të tjerë thanë se ajo është e ngjashme me shkronjat e alfabetit Malayalam “Thr” dhe “Kra”. Megjithatë, një numër tjetër i njerëzve dhanë argumentet e tyre duke thënë se ajo gjithashtu përfaqëson shkronjën “Om” nga gjuha Hindu, shkruan NDTV, përcjell Telegrafi.

“A jam unë i vetmi person, apo është edhe dikush tjetër që mendon se logoja e aplikacionit Threads duket si  shkronja nga alfabeti Malayalam (shqiptohet si ‘thra’), e rrotulluar në 90 shkallë duke rimuar me ‘thr’ në Threads”, tha një përdoruese e Twitter.

Is it me or does anyone feel that the logo of the upcoming Threads app appears like the 90-degree clock-wise rotation of the Malayalam letter ത്ര (pronounced as 'thra') rhyming with 'thr' in Threads. #Threads #ThreadsApp #Meta pic.twitter.com/PbfbQZu73l

— Shosanna (@the_shosanna) July 4, 2023

Një person i dytë shtoi: “Logoja e Threads duket e shumë e ngjashme si shkronja Kra”.

Teksa një tjetër tha: “Si nuk e ka komentuar askush deri më tani ngjashmërinë e logos së Threads me shkronjën ‘Om’”.

Right now, people are opening the Threads app like they are having Jalebi in their breakfast.

Same energy. pic.twitter.com/9ZL3am4c6W

— Devesh Raj 🧑🏻‍💻 (@devish2) July 7, 2023

Është interesante se disa përdorues të Twitter madje vunë në dukje se logoja e aplikacionit i ngjante ëmbëlsirës indiane jalebi.

“Momentalisht, njerëzit po e hapin aplikacionin Threads sikur janë duke ngrënë një Jalebi në mëngjes. E njëjta energji” ishte komenti i tjetër kujt mbi origjinën e logos. “Sa herë që e shikoj logon e Threads më vjen të ha jalebi”, shkroi një nga ata që ishin konfuz.

Ndryshe, portalin Telegrafi mund ta ndiqni edhe përmes aplikacioni të ri ‘Threads’ – për momentin përmes dy profileve zyrtare, Telegrafi.com, si dhe Telegrafi Sport. /Telegrafi/