Presidentja e Kosovës, Vjosa Osmani, ka theksuar se sot shënohet një nga momentet më të rëndësishme në historinë shtetërore të Kosovës, miratimi i Kushtetutës më 9 prill 2008, e cila vendosi themelet juridike dhe institucionale të shtetit të pavarur.
Në një deklaratë në rrjete sociale, Osmani ka thënë se Kushtetuta është kontrata jonë e përbashkët për një shoqëri demokratike, të drejtë dhe të barabartë.
Sipas presidentes, ajo garanton liritë dhe të drejtat themelore të çdo qytetari, pa dallim etnie, gjinie apo përkatësie, duke vendosur sundimin e ligjit si bazë për funksionimin e institucioneve, transmeton Katror.info.
Mundesh me e lexu edhe…
”Kushtetuta është kontrata jonë e përbashkët për një shoqëri demokratike, të drejtë dhe të barabartë. Ajo garanton liritë dhe të drejtat themelore të çdo qytetari, pa dallim etnie, gjinie apo përkatësie, duke vendosur sundimin e ligjit si themel të funksionimit të institucioneve”, thuhet në shkrimin e publikuar nga Presidenca e Republikës së Kosovës në Facebook.
Presidentja ka riafirmuar angazhimin për të mbrojtur Kushtetutën dhe për ta zbatuar atë me përpikëri, duke theksuar se vetëm përmes forcimit të sundimit të ligjit dhe respektimit të rendit kushtetues mund të ndërtojmë një shtet që i shërben qytetarëve të vet me dinjitet dhe drejtësi.
Osmani ka përfunduar duke theksuar se një shtet që i përmbahet dhe e respekton germën dhe frymën e Kushtetutës është garantues i një të ardhmeje të sigurt dhe të drejtë për të gjithë qytetarët e tij. /Katror.info
Përgatiti:
