Presidentja e Kosovës, Vjosa Osmani, e cila po qëndron në Gjermani për të marrë pjesë në Konferencën e Sigurisë në Mynih, ka zhvilluar një takim me Presidenten e re të Zvicrës, Karin Keller-Sutter, shkruan Katror.info.
Në këtë takim, u riafirmua partneriteti i fortë mes dy vendeve, me theks të veçantë në rolin e rëndësishëm të mërgatës shqiptare në Zvicër, e cila kontribuon në forcimin e lidhjeve mes Kosovës dhe shtetit zviceran.
“Zvicra vazhdon të jetë një nga partnerët më të rëndësishëm të Kosovës, me mërgatën tonë që luan një rol thelbësor në forcimin e bashkëpunimit mes dy shteteve tona. Do të vazhdojmë të punojmë ngushtë me Presidenten Keller-Sutter për ta thelluar edhe më tej partneritetin tonë në fusha të interesit të ndërsjellë, e për të mirën e të dy popujve tanë,” ka shkruar Osmani në Facebook pas takimit.
Mundesh me e lexu edhe…
Gjatë diskutimeve, dy presidentet theksuan rëndësinë e bashkëpunimit në fusha si ekonomia, arsimi dhe diplomacia, duke synuar forcimin e mëtejshëm të marrëdhënieve mes dy vendeve./Katror.info
Përgatiti:
