Presidentja e Kosovës, Vjosa Osmani, po merr pjesë në Konferencën e Sigurisë në Mynih, ku ka zhvilluar takime të rëndësishme me liderë ndërkombëtarë, shkruan Katror.info
Gjatë ditës, ajo ka takuar përfaqësuesin e ri të Bashkimit Evropian për dialogun Kosovë-Serbi, Peter Sørensen. Në takimin e tyre të parë, Osmani dhe Sørensen diskutuan zhvillimet e fundit në Kosovë, si dhe pritshmëritë nga procesi i dialogut të Brukselit.
“Në takimin tim të parë me Përfaqësuesin e ri të BE-së për Dialog, Peter Sørensen, diskutuam mbi zhvillimet e fundit në vend dhe pritshmëritë nga dialogu i Brukselit.
Mundesh me e lexu edhe…
Do të vazhdojmë të punojmë me aleatët tanë që ky proces të përmbyllet me njohje të ndërsjellë dhe mbrojtjen e sovranitetit, kushtetutshmërisë dhe integritetit territorial të Republikës sonë”, thuhet në njoftimin e Presidentës.
Po ashtu, Osmani ka zhvilluar një takim edhe me Zheljko Komshiq, anëtar i Presidencës së Bosnje dhe Hercegovinës. Gjatë këtij takimi, ata kanë diskutuar për situatën e sigurisë në rajon, si dhe mundësitë e thellimit të bashkëpunimit ndërmjet Kosovës dhe Bosnje e Hercegovinës.
Osmani dhe Komshiq ranë dakord për rëndësinë që të dyja shtetet të përparojnë në rrugën e integrimit euro-atlantik, duke kontribuar në stabilitetin dhe sigurinë e rajonit./Katror.info
Përgatiti:
