Qytetarët që udhëtojnë brenda dhe jashtë territorit të Kosovës, në orët e mëngjesit të sotëm nuk janë përballur me pritje të gjata në pikat kufitare të vendit.
Të dhënat e fundit nga Qendra Kombëtare për Menaxhimin e Kufirit, të publikuara në orën 08:10, tregojnë se në asnjë pikë kufitare nuk ka kolona të automjeteve apo pritje të gjata.
Sipas raportit, koha e pritjes në hyrje dhe dalje në të gjitha pikat kufitare është nga 3 deri në 5 minuta, si për automjetet ashtu edhe për kamionët.
Mundesh me e lexu edhe…
Gjithashtu, nuk janë raportuar kolona në asnjërën prej pikave kufitare, përfshirë pikat më të frekuentuara si Merdar, Dheu i Bardhë, Jarinje e Vërmicë, ku shpeshherë në sezonin veror shënohen pritje e kolona të gjata.
Kjo situatë paraqet lehtësim të madh për udhëtarët, sidomos gjatë sezonit të verës kur fluksi i diasporës është më i lartë.
Autoritetet kufitare vazhdojnë monitorimin në kohë reale të situatës dhe u rekomandojnë qytetarëve të informohen për gjendjen në kufi përmes platformës zyrtare të Qendrës Kombëtare për Menaxhimin e Kufirit, për të shmangur pritjet eventuale gjatë periudhës së ngarkuar verore./Katror.info
