Pajtim Statovci, shkrimtari i lindur në Kosovë dhe i rritur në Finlandë, ka marrë çmimin më prestigjoz për letërsi në Finlandë, për vitin 2024.
Statovcit iu dha çmimi për romanin e tij të katërt ”Lopa pjell natën”.
Këtë e ka bërë të ditur Ambasada e Kosovës në Stokholm, përmes një postimi në rrjete sociale, ku edhe e ka uruar dhe vlerësuar shkrimtarin si “krenari kombëtare.”
Mundesh me e lexu edhe…
Në njoftim thuhet po ashtu se Pajtim Statovci, ka arritur sukses të jashtëzakonshëm me romanet e tij, të përkthyera në 17 gjuhë dhe të vlerësuara me çmime të shumta.
“Ky çmim nderon jo vetëm talentin e tij të jashtëzakonshëm, por edhe trashëgiminë dhe traditat tona që pasqyrohen në veprat e tij, me një stil të bukur por realist, Statovci ndërthur përvojat e luftës, jetën e refugjatëve dhe historitë tragjike të individëve, duke krijuar një zë të veçantë në letërsinë finlandeze dhe atë ndërkombëtareveprat e Statovcit kanë ngjallur interes edhe në botën e teatrit, ku romanet e tij janë dramatizuar dhe vënë në skenë në teatro të njohur finlandezë”, theksohet në këtë njoftim.
Nominimin për çmim, Pajtim Statovci e kishte bërë të ditur për publikun më 8 nëntor, ku në të njëjtën kategori për këtë çmim ai ishte me, Anna-Kaari Hakkarainen, Helmi Kekkonen, Tommi Kinnunen, Kaj Korkea-aho dhe Hanna-Riikka Kuisma.
Çmimet “Finlandia” janë çmimet më të prestigjioze letrare në Finlandë, ato ndahen çdo vit për botime të jashtëzakonshme finlandeze në tri kategori, letërsi imagjinare, jo-imagjinare, dhe letërsi për fëmijë dhe rini./Katror.info
Përgatiti:
