Parku i Energjisë së Erës në Bajgorë njofton qytetarët e Komunës së Mitrovicës se ka ndërmarrë të gjitha masat për të garantuar sigurinë e veprimtarisë së tij dhe apelon për bashkëpunim nga ana e banorëve dhe vizitorëve për të shmangur rreziqet e mundshme, shkruan Katror.info.
Për të ruajtur një mjedis të sigurt për të gjithë, qytetarët ftohen të respektojnë disa masa të rëndësishme gjatë lëvizjes pranë turbinave të erës:
✅ Ruani distancën – Qytetarët duhet të mbajnë një distancë prej së paku 500 metrash nga turbinat, veçanërisht gjatë dimrit, për të shmangur rreziqe si rënia e akullit ose e objekteve të tjera. Gjithashtu, është e domosdoshme respektimi i kufizimeve të shpejtësisë në zonën e Parkut.
Mundesh me e lexu edhe…
✅ Qëndroni të informuar – Të gjithë duhet të ndjekin njoftimet zyrtare për masat e sigurisë dhe funksionimin e Parkut. Hedhja e mbeturinave dhe ndezja e zjarreve janë rreptësisht të ndaluara.
✅ Mos lëvizni jashtë rrugëve të përcaktuara – Ngasja jashtë rrugëve të shënuara mund të shkaktojë aksidente për shkak të terrenit të pjerrët dhe dëmton përpjekjet për ruajtjen e mjedisit natyror në zonën e Parkut.
Parku i Energjisë së Erës në Bajgorë rikujton se siguria e qytetarëve është priorit./Katror.info
Përgatiti:
