Partitë kryesore politike në vend – Lëvizja Vetëvendosje, PDK, LDK dhe AAK – po vazhdojnë të veprojnë me ritmin e zakonshëm zgjedhor, duke lënë dorëzimin e listave të kandidatëve për në fund të afatit për Zgjedhjet Lokale të 12 tetorit 2025. Deri tani, vetëm LDK ka bërë publike listën e plotë të kandidatëve për kryetarë komunash në gjithë vendin.
Zgjedhjet e sivjetme lokale përfshijnë dy lloje garash: për kryetarë komunash dhe për kuvendet komunale, çka i detyron subjektet politike të përgatisin shumë më tepër kandidatë sesa në zgjedhjet nacionale. Derisa partitë ende janë në fazën e përzgjedhjes, Komisioni Qendror i Zgjedhjeve (KQZ) ka hapur më 26 qershor afatin për aplikim online, i cili përfundon më 13 gusht.
“Brenda këtij afati, subjektet politike – partitë, koalicionet, nismat qytetare dhe kandidatët e pavarur – duhet të dorëzojnë listat me emrat e kandidatëve për kryetarë komunash dhe për asamble komunale,” deklaroi për Ekonomia Online, Valmir Elezi, zëdhënës i KQZ-së. Ai shtoi se është në dorën e subjekteve të vendosin në cilat komuna do të garojnë dhe për cilin lloj zgjedhjeje – vetëm për kryetar, vetëm për asamble, apo për të dyja njëkohësisht.
Mundesh me e lexu edhe…
Zgjedhjet lokale të 12 tetorit 2025 do të jenë të tetat me radhë për kuvendet komunale dhe të gjashtat për kryetarë komunash në Kosovë./Katror.info
