Të dielën në Palestrën e SHFMU “Zejnel Salihu”, në Bardh të Madh, është mbajtur Kampionati individual i pingpongut për grup-moshat U11 dhe U15. Vlen të përmendet se pas një ndërprerje prej më se tri dekadash është rikthyer pingpongu në Bardh të Madh. KPP Kosovari, nga i njëjti fshat është rikthyer në garat e FPPK-së nga viti i kaluar, kurse nga ky vit FPPK synon ta kthejë këtë vatër pingpongu në një nga qendrat kryesore, ku do të organizojë aktivitete garuese individuale dhe ekipore. Ishte ky një rast i mire për vendasit që ta shijojnë pingpongun nga afër, e për ata të vjetrit ishte nostalgjike rikthimi në sallë për të parë ndeshjet, shkruan Kosova Info.
Garat ishin plot dinamikë dhe elan nga fëmijët dhe të rinjtë që synonin të tregonin aftësitë e tyre dhe për të fituar shpërblimet e mundshme.
Në grup-moshën e 11 vjeçëve, në finale u takuan Lira Hashani nga KPP Ahmet Hoxha dhe Esma LLapashtica nga KPP Artana. Paraprakisht Hashani në gjysmëfinale e mundi Rozeta Abazin, kurse Llapashtica ishte më e mirë se Feroza Smajli. Finalja me meritë i takoi lojtares ferizajase 3:0, në sete.
Mundesh me e lexu edhe…
Interesante ishte edhe gara në grup-moshën e djemve 11 vjeçar, ku Imran Duraki, jo vetëm që e befasoi bartësin e parë, Ris Smajli por edhe i mundi të gjithë rivalët deri në finale. Lojëra të mira tregoi edhe njomaku, Denad Makolli, i cili arriti deri në gjysmëfinale ku u mund nga Rron Sojeva. Në gjysmëfinalen tjetër fitues doli Duraki. Në finale, Duraki arriti të fitojë me 3:1 në sete duke bërë befasinë më të madhe.
Në garën e çifteve të përziera, Më të mirët dolën Olti Behluli dhe Ajola Behluli (KPP Ahmet Hoxha MK), që në finale mundën bashkëlojtarët nga klubi i tyre Amant Sejdiu dhe Maxhire Sojeva me rezultatin e ngushtë 2:1.
Në kategorinë çifte për femra, në finale u takuan Ajola Behluli, Maxhire Sojeva nga KPP Ahmet Hoxha MK me Jona Hashani dhe Sara Hoxha nga KPP Ahmet Hoxha. Ajola dhe Maxhirja fituan pastër me 2:0 në sete.
Te çiftet e meshkujve, në finale u takuan Amant Sejdiu dhe Olti Behluli nga KPP Ahmet Hoxha MK kundër Imtan Durakit dhe Resul Ismajlit të KPP Sharri. Kampionë dolën çifti nga Ferizaji me fitoren 2:1 në seta.
Lojtaret e KPP Ahmet Hoxha MK, Maxhire Sojeva dhe Ajola Behluli e patën fjalën kryesore edhe te kategoria e femrave U15. Ajola në gjysmëfinale e mundi Jona Hashanin me 3:0, kurse Maxhirja Vlera Beqën e KPP Shpresa të Turiqefcit. Në finale, pas një dueli interesant fitoi Sojeva me rezultatin 3:1 në sete.
Te meshkujt U15, siç është pritur në finale u plasuan Amant Sejdiu dhe Resul Smajli. Amanti ishte më i mire se Donat Ferizi, në gjysmëfinale, kurse Resuli e mundi Olti Behlulin. Në finale, Megjithë rrezistencën e Smajlit, Amanti ishte më i mire dhe fitoi me 3:1 në seta.
Më të mirët u shpërblyen me Mirënjohje e medalje, kurse kampionët edhe me kupa. Shpërblimet i ndau Kryetari i FPPK-së Nehat Çitaku.
Renditja
Femrat U11:
- Lira Hashani, KPP Ahmet Hoxha
- Esma Llapashtica KPP Artana
- Feroza Smajli KPP Shpresa
- 3.Rosela Abazi KPP Ahmet Hoxha
Meshkujt U11:
- 1.Imran Duraki KPP Sharri
- 2.Rron Sojeva KPP Ahmet Hoxha MK
- 3.Arijon krasniqi TTC Ferizaj
- 4.Denad Makolli Paysera Dardania
Çiftet e përziera:
- 1.Ajola Behluli/Olti Behluli KPP Ahmet Hoxha MK
- 2.Amant Sejdiu/Maxhire Sojeva KPP Ahmet Hoxha MK
- 3.Albes Behluli/Jona Hashani KPP Ahmet Hoxha/ KPP Ahmet Hoxha MK
- 3.Sara Hoxha/Sharr Hashani KPP Ahmet Hoxha
Çiftet femra U15
- 1.Ajola Behluli/Maxhire Sojeva KPP Ahmet Hoxha MK
- 2.Jona Hashani/Sara Hoxha KPP Ahmet Hoxha
- 3.Rosela Abazi/Tuna Qerkini KPP Ahmet Hoxha
- 4.Jonid Ibrahimi/Vlera Beqa KPP SHpresa
Çiftet meshkuj U15
- 1.Amant Sejdiu/Olti Behluli KPP Ahmet Hoxha MK
- 2.Imran Duraki/Resul Smaili KPP Sharri
- 3.Ar Konushefci/Grini Popova KPP Prishtina/KPP Priping
- 4.Ajan Vranovci/Rejan Krasniqi KPP Gani Maloku
Femrat U15
- 1.Maxhire Sojeva KPP Ahmet Hoxha MK
- 2.Ajola Behluli KPP Ahmet Hoxha MK
- 3.Jona Hashani KPP Ahmet Hoxha
- 4.Vlera Beqa Kpp Shpresa
Meshkujt U15
- 1.Amant Sejdiu KPP Ahmet Hoxha MK
- 2.Resul Smajli KPP Sharri
- 3.Donat Ferizi KPP Vushtrria
- 3.Olti Behluli KPP Ahmet Hoxha MK/Katror.info
Përgatiti:
