Korporata Energjetike e Kosovës ka thënë se pas hyrjes në fuqi të liberalizimit të tregut të energjisë, KEK-u është përcaktuar si Furnizues i Mundësisë së Fundit.
Sipas njoftimit, KEK-u është përcaktuar si Furnizues i Mundësisë së Fundit për një periudhë kalimtare deri më 30 korrik 2025, për të gjithë konsumatorët që ende nuk kanë zgjedhur furnizues në tregun e lirë.Deri më tani, 20% e konsumatorëve të kaluar automatikisht në tregun e hapur kanë nënshkruar kontrata me KEK si Furnizues i Mundësisë së Fundit. Kontratat e Furnizuesit të Mundësisë së Fundit janë standarde të miratuara nga ZRRE dhe zbatohen njësoj për të gjithë konsumatorët në këtë kategori”.
“Përveç kësaj, KEK ka nënshkruar 15 kontrata komerciale me konsumatorë që kanë zgjedhur furnizim të drejtpërdrejtë”, thuhet në njoftimin e KEK-ut, transmeton Klankosova.tv.
Mundesh me e lexu edhe…
Tutje, KEK-u tha se furnizimi përmes Furnizuesit të Mundësisë së Fundit është i përkohshëm dhe i kufizuar në 60 ditë, duke filluar nga 1 qershori.Çmimi i energjisë është i bazuar në treg, ndërsa marzha (tarifa shtesë) përcaktohet sipas rregullores së ZRRE-së”.
“Inkurajojmë të gjithë konsumatorët që sa më parë të zgjedhin furnizuesin e tyre në tregun e hapur, për të siguruar vazhdimësi të shërbimit më të qëndrueshëm dhe në kushte më të favorshme”, thuhet në njoftim./Katror.info
