Edhe pse telefonat fleksibël përbëjnë një pjesë të vogël të shitjeve të smartfonëve, gjë që nuk është për t’u habitur sepse janë pajisje mjaft të shtrenjta për cilësinë e të cilave disa përdorues janë ende skeptikë, shitjet e tyre janë vazhdimisht në rritje.
Pothuajse të gjitha kompanitë më të mëdha celulare kanë prezantuar tashmë telefonat e tyre të palosshëm, por Apple nuk është në atë listë.
Kompania e Cook, sipas thashethemeve të shumta të mëparshme, po mendon në një drejtim tjetër dhe pajisja e tyre e parë me një ekran fleksibël mund të jetë një iPad ose një Mac, megjithëse nuk duhet përjashtuar mundësia e një iPhone Fold/Flip.
Mundesh me e lexu edhe…
Nëse ky informacion është i saktë, duket se nuk janë e vetmja kompani që është e interesuar për tabletët fleksibël pasi sipas informacioneve të transmetuara nga mediat teknologjike këtë javë, e njëjta pajisje mund të prezantohet edhe nga Google, shkruan Katror.info.
Gjiganti i teknologjisë ka prezantuar tashmë një telefon dhe tablet fleksibël këtë vit, dhe e ardhmja mund të sjellë gjithashtu një tablet me një ekran të palosshëm. Ajo që duhet theksuar është se, sipas faqes 9to5 Google, kompania është duke menduar vetëm për një pajisje të tillë dhe zhvillimi i saj ende nuk ka filluar. Tableti i palosshëm i Google, nuk është i vështirë të merret me mend, duhet të funksionojë në Android.
Ndërsa tashmë ka pajisje në treg me ekrane të mëdha të palosshme si ThinkPad X1 Fold i Lenovo dhe Zenbook 17 Fold i Asus, këto pajisje mundësohen nga Windows, kështu që tableti i mundshëm fleksibël i Google mund të jetë i pari i këtij lloji me Android.
Raportet e mediave përmendin se Google mund ta prezantojë atë që në vitin e ardhshëm dhe se do të jetë pajisja e tyre më e rëndësishme për vitin 2024, por duke qenë se zhvillimi i saj ende nuk ka filluar, ka pak mundësi që të jetë këtë vit.
Sa i përket Apple, thuhet se gjasat për një iPhone fleksibël vitin e ardhshëm janë shumë të vogla dhe se ata që janë të interesuar për një iPad ose Mac fleksibël do të duhet të presin deri në vitin 2026, kur kjo pajisje mund të dalë në treg. /Katror.info
Përgatiti:
