Shqiptarja, Klarida Rrapaj, është shpallur kandidate për çmimin ‘’Krenaria Italiane’’, ngjarje kjo e cila do të zhvillohet të premten më 7 prill në orën 11:00 në sallën “Protomoteca”, Campidolgio Romë.
Klarida Rrapaj është doktore shkencash në Psikologjinë Ligjore, kriminologe, viktimologe psikologe dhe prej vitesh jep kontributin e saj në ambientin social italian në shkolla, fillore e të tjera, duke bërë shumë vlerësime kryesisht për dhunën ndaj grave, transmeton Katror.info.
Për punën e saj të jashtëzakonshme në sferën sociale ajo është nominuar për çmimin “Krenaria Italiane”, në kategorinë “Sipërmarrje” dhe “Sociale”. Ky çmim jepet nga Shoqata per Mbrojtjen e Grave, Bullizmit dhe Kiberbullizmit “AMAbilMENTE”, pjesë e Federatës Italiane “Krav Maga” në Romë.
Mundesh me e lexu edhe…
Rrapaj është shprehur për Diaspora Shqiptare se këto aktivitete ajo i kishte bërë si punë të përditshme të saj pa pasur për qëllim për të promovuar vetën apo punën e saj.
“Nuk e prisja një vlerësim të tillë. Unë jam fokusuar në përditshmërinë e punës time, pa bërë publicitet pa promovuar punën e madhe që bëj në shoqëri. Dhe ky vlerësim në tregon që pavarësisht çdo gjeje ka njerëz të cilët ndjekin nga larg punën e palodhur timen (dhe të shumë profesionistëve të tjerë). Dhe vjen dita që na njohin rolin dhe punën e madhe që bëjnë në shoqëri”, ka thënë ajo. /Katror.info
Përgatiti:
