Pamje mahnitëse të një kallamari kolosal janë kapur nga një kamerë nënujore në ujërat e thella të Antarktidës.
Si cefalopodi më i madh në botë dhe njëkohësisht edhe jovertebrori më i madh, shfaqja e një kallamari kolosal është ndër momentet më të shumëpritura në biologjinë detare. Ky krijesë gjigande mund të arrijë deri në 7 metra gjatësi dhe të peshojë deri në 500 kilogramë – një krijesë që ngjan më shumë me një ëndërr… ose një makth.
“Po shohim më në fund pamje të konfirmuara të këtij kafshe që disa prej nesh e kemi studiuar dhe ëndërruar për dekada,” tha biologja e thellësive detare, Kat Bolstad nga Universiteti i Teknologjisë në Auckland. Edhe pse nuk ishte pjesë e ekipit që regjistroi pamjet, ajo ndihmoi në identifikimin e kallamarit, shkruan Good News Network, transmeton Katror.info
Mundesh me e lexu edhe…
Pamjet, edhe pse të shkurtra, janë me cilësi të lartë dhe u siguruan nga një mjet zhytës i quajtur Subastian, i operuar nga instituti jofitimprurës Schmidt Ocean Institute, gjatë një ekspedite pranë ishujve South Georgia dhe South Sandwich.
Subastian ndodhej rreth 600 metra nën sipërfaqe kur një kallamar i vogël, vetëm 30 centimetra i gjatë, kaloi para kamerës së tij, duke treguar bukurinë e kësaj krijese – pa ndonjë sensacionalizëm apo frikësim, tha Bolstad për ABC News Australia.
Lloji Mesonychoteuthis hamiltoni është një nga dy speciet e “kallamarëve të qelqtë” që gjenden në Antarktik. Kur lindin, sytë e tyre ndodhen në stalkë jashtë trupit, dhe për shkak se kallamari në pamje nuk kishte stalka të dukshme, mendohet të jetë një i ri në moshë – jo foshnjë, por ende me shumë për të rritur.
Dihet shumë pak për kallamarin kolosal. Besohet se janë grabitqarë të fshehtë, ashtu si shumë krijesa të tjera që jetojnë në thellësitë e errëta të oqeanit. Ata kanë sytë më të mëdhenj në mbretërinë shtazore – 30 deri në 40 centimetra në diametër, sa një top volejbolli – që besohet t’u japë atyre aftësinë për të parë përmes errësirës, për të dalluar krijesa biolumineshente dhe për të zbuluar balenat spermike, grabitqarët e tyre natyrorë, nga larg.
Ndërkohë që kjo është pamja e parë e konfirmuar e një kallamari kolosal, një anije turistike antarktike, Ocean Endeavour, pa një kallamar të ngjashëm të kalonte para kamerës së saj në fillim të vitit 2023. Mendohet se ka qenë ose një kallamar kolosal, ose Galiteuthis glacialis, një tjetër specie e madhe që jeton në thellësi.
Dr. Bolstad tha për ABC se pamjet e drejtpërdrejta të një kallamari kolosal “të vërtetë” i ndihmuan ajo dhe kolegët e saj të zbulojnë disa detaje interesante për këtë specie.
“Njollat në mantelin e tij [trupi në formë tubi] na tregojnë se ai pothuajse me siguri ka aftësinë të kalojë nga të qenit plotësisht transparent… në mjaft të errët.”
Mund të kalojë një kohë e gjatë derisa të arrihet të regjistrohet një i rritur në natyrë, pasi instituti Schmidt nuk do të kthehet në Antarktidë deri në vitin 2028. Me sytë e tyre të mëdhenj sa topi i volejbollit, këta kallamarë mund të shohin mjetet zhytëse shumë përpara se ato t’i zbulojnë ata – ndaj shkencëtarët besojnë se duhen zhvilluar metoda më pak ndërhyrëse për t’i kapur në pamje./Katror.info
Përgatiti:
