Java e Grassroots, e organizuar nga Federata e Futbollit të Kosovës, në kuadër të programit të mbështetur nga UEFA, është përmbyllur pas aktiviteteve festive çdo ditë nëpër mjedise të ndryshme të vendit.
Festën e futbollit bazik e shënoi edhe Gjakova, ku u përfshin fëmijë të grupmoshave të ndryshme, e të cilët u argëtuan pa fund me lojërat me top dhe aktivitete tjera rekreative nën përkujdesjen e mësimdhënësve dhe trajnerëve të futbollit.
Tani programi Grassroots vazhdon me projektet e parapara të sezonit të ri, e që për synim ka përfshirjen e fëmijëve dhe të rinjve nga të gjitha kategoritë sociale, me aktivitete futbolli dhe argëtuese në shkolla, klube dhe komunitete lokale.
Mundesh me e lexu edhe...
Gjatë Javës Grassroots morën pjesë fëmijë të të gjitha kategorive, teksa një nga synimet kryesore të kësaj jave ishte inkurajimi i fëmijëve për t’u bashkuar me futbollin, pavarësisht aftësive të tyre.
Përmes këtyre aktiviteteve FFK vuri në pah edhe rëndësinë e bashkëpunimit midis shkollave dhe klubeve për të ndihmuar zhvillimin e futbollit nga baza, duke siguruar që çdo fëmijë të ketë mundësinë të përjetojë emocionet e futbollit dhe të zhvillojë shkathtësitë e tij në një mjedis të shëndetshëm dhe të barabartë./Katror.info
