Pesë garuesit tanë i kanë përfunduar garat e tyre në FIA Motorsport Games, të cilat u mbajtën në Marsejë të Francës.
Në një konkurrencë shumë të fortë, në të cilën morën pjesë 72 shtete nga e mbarë bota (përfshirë të gjitha disiplinat), garuesit tanë patën paraqitje mjaft të mirë, aq më tepër duke marrë parasysh se ishte hera e parë që marrin pjesë në një format të tillë.
Në disiplinën karting – sllallom, Kosova u prezantua nga Rea Gashi dhe Baran Karabeg. Të dy garuesit e dhanë maksimumin dhe në fund u renditën në pozitën e dhjetë.
Mundesh me e lexu edhe...
Në këtë disiplinë, në tri pozitat e para u renditën: Gjermania, Belgjika dhe Estonia.
Kosova u prezantua denjësisht edhe në auto sllallom, disiplinë në të cilën Ermira Topalli e Valon Jaha përfunduan në pozitën e nëntë, që gjithsesi është rezultat i mirë.
Edhe në auto sllallom e para ishte Gjermani, pozita e dytë i takoi Letonisë, ndërsa e treta u rendit Hungaria.
Në Marsejë ishte edhe Visar Gjikolli, i cili Kosovën e përfaqësoi në E-Sports dhe pavarësisht faktit që nuk arriti të futej në bllokun final, pati paraqitje shumë të mirë, duke marrë parasysh se konkurrenca në këtë disiplinë ishte jashtëzakonisht e fortë./Katror.info
Përgatiti:
