Pas një dekade, Pharrell Williams është kthyer në rolin e kuratorit për një ekspozitë të re në Perrotin Paris, që feston gratë me ngjyrë.
Në ekspozitën FEMMES, Williams eksploron ndikimin e grave – “artiste që e transformojnë botën përmes fuqisë së duarve të tyre” – duke u fokusuar te feminiteti. Pjesëmarrës janë emra të njohur si Esther Mahlangu dhe Carrie Mae Weems, si dhe talente të reja si Tschabalala Self dhe Naomi Lulendo.
Ekspozita është një përzierje e punëve të 40 artistëve që trajtojnë aspekte të ndryshme, duke përfshirë trupin, modën, nënshtrimin, aktivizmin përmes shumë mediave, përfshirë fotografinë, pikturën dhe artin tekstil.
Mundesh me e lexu edhe…
Pharrell është i fascinuar nga këto shprehje të artit, si dhe nga lidhja midis modës, artit dhe muzikës. Ai vlerëson dedikimin e artisteve, që sundojnë këtë ekspozitë.
Krijime të tilla përfshijnë portrete mahnitëse të Nina Simone dhe Eartha Kitt nga Carrie Mae Weems, si dhe piktura grafike të guximshme nga Esther Mahlangu. Ndërsa Emma Prempeh dhe Lauren Kelley ofrojnë interpretime të ndryshme të identitetit dhe trashëgimisë, duke sfiduar stereotipat dhe duke eksploruar lidhjet me paraardhësit.
Ekspozita FEMMES është një vazhdim i ekspozitës grupore G I R L të vitit 2014 dhe një pasqyrë e lidhjes së fortë të Pharrell me Emmanuel Perrotin, me të cilin ka bashkëpunuar për një kohë të gjatë.
Perrotin, një galeri e njohur ndërkombëtarisht, ka një platformë të pasur për të mbështetur artin që kalon kufijtë e kulturës pop./Albanian Post/Katror.info
Përgatiti:
