Kur kanë mbetur vetëm edhe pak ditë që nga nisja e festivalit, Sunny Hill, Komuna e Prishtinës ka njoftuar se transporti publik të jetë falas për të gjithë ata që marrin pjesë në këtë festival.
Komuna e Prishtinës ka marrë vendim që transporti për të gjithë pjesëmarrësit do të jetë falas nga data 25 deri më 28 korrik.
“Të gjithë pjesëmarrësit e “Sunny Hill Festival” lirohen nga pagesa e transportit publik. Pra të gjithë ju që doni të shkoni në këtë festival, do të mund të udhëtoni falas me autobusë të Trafiku Urban Prishtinë nga data 25 deri më 28 korrik. Nisja bëhet nga ora 17:00 te parkingu i Pallatit të Rinisë, dhe transport do të ketë deri në orën 05:00 të mëngjesit. Pra mund të shkoni e ktheheni nga festivali me autobusë të Trafikut Urban, falas,” thuhet në njoftimin e Komunës së Prishtinës.
Mundesh me e lexu edhe...
Ngjarja më e madhe kulturore në vend ka mbledhur tashmë yjet më të njohur ndërkombëtarë, por edhe ata vendorë. Befasia e këtij edicioni është këngëtarja shqiptare me famë botërore, Bebe Rexha.
Ky lajm ka gëzuar fansat e saj në mbarë vendin.
Rexha, 34-vjeçare, është shprehur tejet e emocionuar për këtë rast të veçantë. Në një video të publikuar në InstaStory, interpretuesja e hitit “I’m A Mess” iu drejtua fansave të saj në Kosovë me një mesazh në shqip.
“Përshëndetje, jam shumë e lumtur që do të vijë në Prishtinë, pasi është hera e parë që e vizitoj Kosovën. Mezi po pres të jem në mesin tuaj, më 25 korrik në Sunny Hill Festival”, tha ajo në video.
Vitin e kaluar, organizuesit e Sunny Hill paralajmëruan se janë në përgatitje të vendndodhjes së përhershme.
“Këtë vit, po bëjmë gati shtëpinë tonë të re dhe të përhershme. Një që u mundëson pjesëmarrësve tanë të festivalit të marrin asgjë më pak se më të mirën që presin dhe meritojnë. Ndjekësit tanë të festivalit meritojnë më të mirën absolute. Në të gjitha aspektet, duke përfshirë edhe vendin e festivalit dhe infrastrukturën e tij.” ishte njoftimi i vitit 2023.
Prej vitit 2016, Dua Lipa dhe babai i saj, Dukagjin Lipa, organizojnë në Kosovë një nga festivalet më madhështore, “Sunny Hill Festival”.
Ndër vite ky koncert ka mbledhur emrat më të njohur të muzikës, ndër ta artisten me famë botërore, siç ishte Dua Lipa, Miley Cyrus, J Balvin, Calvin Harris, Martin Garrix, Afrojack, Hardwell, Stormzy, Skepta, AJ Tracey, Action Bronson, Gashi dhe shumë artistë tjerë./Katror.info
Përgatiti:
