Kryeministri në detyrë i Republikës së Kosovës, Albin Kurti, i shoqëruar nga zëvendësministrja në detyrë e Kulturës, Rinisë dhe Sportit, Daulina Osmani, priti në takim Presidentin e Komitetit Paralimpik Evropian, Raymon Blondel, Presidenten e Komitetit Paralimpik të Kosovës, Njomza Emini dhe zëvendëspresidentin e KPK-së, Daut Tishuki, shkruan Katror.info.
“Në këtë takim mori pjesë dhe sportisti Fatmir Seremeti. Ky i fundit në tri lojëra paralimpike botërore në Pekin 2008, Londër 2012 dhe Rio 2016 ka fituar medalje të artë dhe argjentë me ekipin e Suedisë, ndërsa tashmë ai e përfaqëson Republikën e Kosovës në lojërat paralimpike të Los Angeles 2028,” thuhet në njoftimin e Zyrës së Kryeministrit.
Vizita e Presidentit Raymon Blondel është e para në Kosovë, ndërsa vjen një vit pas vizitës së Presidentit të Komitetit Paralimpik Ndërkombëtar, Andrew Parsons./Katror.info
