Presidentja e Republikës së Kosovës, Vjosa Osmani, ka shprehur mirënjohje ndaj Presidentit amerikan Donald Trump për mbështetjen e tij dhe vlerësimin për partneritetin ndërmjet Kosovës dhe Shteteve të Bashkuara të Amerikës, shkruan Katror.info.
“Faleminderit Presidentit Trump për përkrahjen e tij, si dhe për fjalët e fuqishme për partneritetin me Kosovën. Kosova do të vazhdojë të qëndrojë krah për krah me SHBA-të, në çdo sfidë e çdo sukses,” ka deklaruar Osmani në një postim publik.
Në letrën e tij drejtuar Presidentes Osmani, Presidenti Trump ka theksuar rëndësinë e marrëdhënieve ndërmjet dy vendeve, duke shkruar: “Shtetet e Bashkuara të Amerikës dhe Kosova ndajnë një lidhje të thellë, të bazuar në respekt të ndërsjellë, vlera të përbashkëta demokratike dhe një vizion të përbashkët për paqe dhe prosperitet.”
Mundesh me e lexu edhe…
Ai gjithashtu ka nënvizuar angazhimin e Presidentes Osmani për forcimin e kësaj marrëdhënieje strategjike.
Presidentja Osmani ka theksuar përkushtimin e saj për të punuar së bashku me Presidentin Trump në funksion të thellimit të mëtejmë të aleancës Kosovë–SHBA në vitet që vijnë./Katror.info
