Liderë botërorë dhe ekspertë të inteligjencës artificiale u mblodhën në Paris për të diskutuar sfidat dhe mundësitë që kjo teknologji sjell për shoqërinë. Në këtë forum të rëndësishëm, Kosova u përfaqësua nga Presidentja Vjosa Osmani, duke e vendosur vendin në qendër të diskutimeve globale mbi të ardhmen e AI, shkruan Katror.info.
Në një njoftim në rrjetet sociale, Presidentja Osmani e cilësoi këtë moment si një hap të rëndësishëm për Kosovën në arenën ndërkombëtare të teknologjisë dhe inovacionit.
“Liderë nga mbarë bota dhe profesionistë të fushës u mblodhën në Paris për të diskutuar zgjidhje që do të transformojnë botën, duke e vënë teknologjinë në shërbim të njerëzimit. Teknologjia po i prinë një revolucioni të paparë global dhe Kosova duhet të jetë e gatshme të jetë pjesë e këtij transformimi,” thuhet në deklaratën e saj.
Gjatë samitit, Presidentja Osmani zhvilloi takime me liderë botërorë dhe përfaqësues të industrisë teknologjike për të forcuar lidhjet diplomatike dhe ekonomike të Kosovës. Ajo u prit nga Presidenti i Francës, Emmanuel Macron, dhe takoi Zëvendëspresidentin e SHBA-së, JD Vance, Kryeministrin e Indisë, Narendra Modi, Kryeministrin e Kanadasë, Justin Trudeau, si dhe drejtues të kompanive gjigante si Google, OpenAI dhe Alibaba.
Ky samit konfirmoi rëndësinë e Kosovës në diskutimet mbi inteligjencën artificiale, duke hapur mundësi të reja për bashkëpunim dhe zhvillim në këtë fushë kyçe të së ardhmes./Katror.info
Përgatiti:
