Viti 2022 do të mbetet në kujtesë si një vit tejet i suksesshëm për klubin e Pingpongut ‘Priping’.
Klubi i Pingpongut Priping vitin 2022 e filloi me disa transfere të reja të cilat rezultuan të sukseshme për klubin, ku lojtari Yll Dragidella u transferua nga Klubi i Pingpongut Prishtina dhe Aulon Bivolaku nga KPP Vushtrria e poashtu lojtarin nga Egjipti Mahmoud Salama, i cili u angazhua në sezonën vjeshtore.
Objektivat dhe qëllimet e Priping për vitin 2022 ishin të rritet klubi me lojtarë të rinjë, fitimi i Kupës së Kosovës dhe Superligës si dhe zhvillimi i ndeshjve ndërkombëtare e njëherish edhe promovimi i sportit të pingpongut sa më shumë.
Mundesh me e lexu edhe...
Priping i përmbushi disa nga objektivat e veta duke pasë parasysh se u shpall fitues i Kupës së Kosovës, u shpall nënkampion i Superligës, shënoi 4 fitore nga 4 ndeshje në sezonin dimror në Ligën Unike Kosovë-Shqipëri, mori pjesë në kampin zhvillimorë në Londë dhe promovio pingpongun përmes kauzave të ndryshme.
Disa nga aktvitetet dhe sukeset që Klubi i Pingpongut ‘Priping’ përjetsoi në vitin 2022 janë:
- Fitimi i Kupës së Kosovës në afat rekord ku ende nuk i kemi bërë 3 vite që kemi themeluar klubin;
- Shpallja nën-kampion Superligës së Kosovës;
- Lojtari Chris Doran rrëmbeu vendin e parë në turneun Lidhja e Prizrenit;
- Lojtari Albeat Sadiku u shpall kampion i Kosovës për moshat U9;
- Lojtarja Amra Gashi fitoi medalje në debutimin e saj për moshat U11;
- Chris Doran kampion i turneut Dita e Flamurit;
- Yll Dragidella fitoi vendin e tretë në turneun më prestigjioz të vitit TOP 8 për senior;
- Aulon Bivolaku siguroi medaljen e bronzt në turneun individual të Kosovës për U21;
- Organizimi i Ditës Botërore të Pingpongut në bashkëpunim me ITTF Foundation, me dhjetra të pranishëm përfshi edhe diplomat nga ambasadat e huaja në Kosovë dhe shefja e zyres Kineze në Prishtinë
- Organizimi i turneut veror “Diaspora 2022” për mërgimtarët;
- Nënshkrimi i marrëveshjes së bashkëpunimit me Shoqatën e të Shurdhërve në Prishtinë dhe si derviat i marrëveshjes erdhi organizimi i turneut për personat e shurdhët, ku pjesëmarrës pati nga 7 qendra të Kosovës, me mbi 30 lojtarë;
- Në bashkëpunim me 11 Points organizuan turneun “@Ping Pong Business Tournament” me 16 biznese, e mjetet e mbledhura u dhuruan për KPP Prishtina – Femrat;
- Organizimi i seancave stervitore për fëmijët me Down Syndrome Kosova, të cilët u argëtuan me sportin e pingpongut ku i ndien se pingpongu është sport për të gjithë;
E shumë aktivitete tjera në të mirë të qytetarëve dhe komunitetit.
Priping vazhdon të jetë lider i promovimit të pingpongut dhe kauzave të ndryshme përmes sportit në të mirë të komunitetit.
Klubi i pingpongut Priping në janar shënon 3 vjetorin e themelimit të klubit dhe për ta ky është vetëm fillimi i një rrugëtimi të gjatë./Katror.info
Përgatiti:
