Prishtina këtë verë ishte dhe do të jetë nikoqire e shume festivaleve. Vetëm këtë javë kryeqyteti mirëpret Festivalin e Gastronomisë në të cilin do të rikthehet ikona e muzikës kosovare Armend Rexhepagiqi, i pasuar nga artistët më të mëdhenj kosovarë.
Më 20 korrik nis Festivalii i Gastronomisë, i cili ka për qëllim ta promovojë kuzhinën shqiptare dhe t’i bëjë bashkë dashamirët e gastronomisë e muzikës.
Me fillimin e festivalit me datën 20 korrik, skenës do t’i ngjitet Armend Rexhepagiqi bashkë me hitet e pavdekshme të tij.
Mundesh me e lexu edhe…
Në Prishtinë në sheshin “Adem Jashari”, ku ky festival do të mbledhë emrat më të preferuar të skenës, me datë 21 korrik do të performojë, Sinan Vllasaliu me orkestër. Për të vazhduar kështu përgjatë 5 netëve të tjera me artistë të tjerë si: 22 korrik, Marsela Çibukaj, 23 korrik, Nezafete Shala dhe grupi “Fisnikët”, 24 korrik, Denik Prizreni, 25 korrik, String String dhe Eneda Tarifa, 26 korrik, Nita Latifi dhe Dren Abazi dhe festivalin do e përmbyllë Edi Furra dhe orkestra e tij. /Katror.info/
Po në këtë javë, jo shumë larg nga sheshi “Adem Jashari” do të nisë një festival tjetër. Tenori i mirënjohur Ramë Lahaj sjell edicionin e tretë të festivalit “Ramë Lahaj International Opera Festival” (RLIOF) për 2023.
Edicioni i sivjetmë i RLIOF do të mbahet nga 21 deri më 31 korrik në Prishtinë. Sipas njoftimit, koncertet e edicionit të këtij festivali do të mbahen në sheshin “Skënderbeu” dhe amfiteatrin e Bibliotekës Universitare. Për 10 ditë sa do të zgjasë ky festival do të performojnë artistë të njohur të operës botërore.
RLIOF është themeluar dhe organizohet nga tenori Ramë Lahaj.Edicioni i tretë i Festivalit RLIOF synon të zhvillojë idenë e përfshirjes së artit operistik si një ndërmjetësues për të promovuar e mbrojtur lirinë, të drejtat e njeriut dhe ato sociale.
Tematika e festivalit këtë vit, sipas organizatorëve, është “Opera për Liri”, ku fokusi i këtij edicioni do të jetë tek promovimin i zërave të cilët shpesh janë margjinalizuar apo heshtur e që përdorin operën si mjet për t’u shprehur, për zhvillim dhe fuqizim. Gjithashtu, festivali do të trajtojë edhe çështjet si: konfliktet ekzistuese, pabarazia gjinore, të drejtat e refugjatëve dhe të drejtat mjedisore./Katror.info
Përgatiti:
