Komisioni i Pavarur i Mediave (KPM) do të jetë nikoqir i Asamblesë së 24-të Plenare të Rrjetit Mesdhetar të Autoriteteve Rregullatore të Mediave (MNRA) në Prishtinë, më 2–3 tetor 2025.
Asambleja do të mbledhë rregullatorë të mediave, gazetarë, akademikë, psikologë dhe përfaqësues të shoqërisë civile nga Evropa dhe Mesdheu, duke krijuar një hapësirë dinamike për diskutim për të adresuar sfidat më urgjente të rregullimit të mediave sot. Diskutimet do të fokusohen në tema kyçe si mbrojtja e të miturve online, gazetaria e gjelbër, rregullimi i mediave online, inteligjenca artificiale, promovimi i barazisë gjinore në media, forcimi i edukimit medial dhe luftimi i gjuhës së urrejtjes dhe dezinformimit.
Ngjarja do të përfshijë diskutime në panele me pjesëmarrjen e personaliteteve të shquara nga një spektër i gjerë fushash, të cilët do të trajtojnë tema të nxehta dhe aktuale të mediave, si dhe punëtori tematike, së bashku me aktivitete kulturore që do të prezantojnë trashëgiminë e Kosovës.
Mundesh me e lexu edhe...
Kjo Asamble e vendos Komisionin e Pavarur të Mediave në qendër të dialogut mesdhetar mbi të ardhmen e rregullimit të mediave, duke ofruar një mundësi të rëndësishme për forcimin e bashkëpunimit dhe partneriteteve mes autoriteve anëtare të MNRA.
Në përputhje me rregullat e MNRA, gjatë kësaj Asambleje KPM pritet të marrë Kryesimin e Rrjetit. MNRA bashkon 27 autoritete rregullatore të mediave nga mbarë rajoni i Mesdheut./Katror.info
