Kosova do të jetë mikpritëse e një prej ngjarjeve më të mëdha të sporteve elektronike në Evropë, shkruan Katror.info.
Këtë e ka konfirmuar zëvendës-ministrja e Kulturës, Daulina Osmani, duke u shprehur se Kampionati Evropian i Esports do të mbahet në Prishtinë në vitin 2025, duke sjellë mbi 250 garues nga 45 shtete për të garuar në dy tituj të mëdhenj: Counter-Strike 2 dhe Dota 2.
Federata Esports Kosova, e themeluar në vitin 2022, ka luajtur rol kyç në zhvillimin e infrastrukturës për sportet elektronike, duke promovuar talentin vendor dhe krijuar mundësi për pjesëmarrje në kompeticione ndërkombëtare.
Mundesh me e lexu edhe…
Me ekipe si Bad News Eagles, të cilët janë bërë emër i njohur në skenën globale të Counter-Strike, Kosova ka treguar se është më shumë se një mikpritëse – është një konkurrente e denjë në arenën ndërkombëtare.
Infrastruktura e esports në Kosovë ka bërë hapa të mëdhenj përpara, me një komunitet të fortë të lojtarëve, turne të rregullt vendorë dhe përkrahje nga sektorë të ndryshëm për të zhvilluar këtë industri në rritje.
Organizimi i një ngjarjeje të përmasave evropiane pritet të sjellë jo vetëm vëmendje ndërkombëtare, por edhe investime në sektorin e sporteve elektronike./Katror.info
Përgatiti:
