Komuna e Prishtinës ka njoftuar se sot, më 18 qershor 2025, nga ora 20:00, do të fillojë faza e parë e dezinsektimit hapësinor në kryeqytet. Ky aksion është pjesë e masave të rregullta për mbrojtjen e shëndetit publik dhe reduktimin e pranisë së insekteve, veçanërisht mushkonjave, gjatë muajve të ngrohtë, raporton Katror.info.
Paralelisht me këtë proces, më 18 dhe 19 qershor do të realizohet edhe hudhja e larvicideve, duke filluar nga ora 09:00 në të dyja ditët, sipas një plani dinamik të operimit të hartuar nga autoritetet komunale.
Komuna ka apeluar për mirëkuptim nga ana e qytetarëve në rast të ndryshimeve eventuale në orare apo data, pasi këto aktivitete varen nga kushtet atmosferike.
Mundesh me e lexu edhe…
Ky aksion i cili zgjat deri më 22 qershor është një hap i rëndësishëm në parandalimin e përhapjes së sëmundjeve të transmetueshme nga insektet dhe në përmirësimin e cilësisë së jetës për banorët e Prishtinës gjatë sezonit veror./Katror.info
