Rave Travel paralajmëron festivalin e muzikës elektronike i cili mbahet më 5 nëntor 2022 në AMC Hall. Në nëntor pas edicionit të dyte të Prishtina Music Conference, me moton e konsistencës, Agjencia Rave Travel vjen me një program të ri, “Rave Festival” festivali më i ri në rajon me program të muzikës elektronike.

Postimi i fundit ne rrjete sociale te Rave, shkruan: “Motoja e PMC-se 2022 për konsistence në qasje, dorëzim dhe sjellje po i jep jetë eksperiencave të reja në industrinë tonë t’muzikës”

“Mungesa e emocioneve ndaj ndjesive të reja ka shty Rave të studioj ni plan t’ri; ta formoj’ ni identitet të ri për qytetin tonë. Ni identitet ku mujme me u kap krejt, tu e zvogëlu polarizimin ekstrem aktual jo vetëm të skenës sonë t’muzikes, por praktikisht gjithçkaje që po shohim e po dëgjojmë.”

Rave Festival tashmë ka zbuluar dy artistët e parë të festivalit. I pritur me padurim nga rinia kosovare, line up-I ka filluar të shpaloset këtë jave në rrjetet sociale të Rave Festival. Në instagramin e tyre janë lajmëruar dy artistët e parë që do të përformojnë në festival me 5 Nëntor në AMC Hall.

Kiti Arsa dhe Tomoki Tamura janë artistë super të talentuar internacional të cilët do të vijnë në AMC për të ofruar një super natë.

Kiti Arsa, artiste berlineze me një energji tërheqëse dhe e dashur për audiencën, e bëjnë atë një ndër DJ më të kërkueshme në eventet IT. Ajo lëshon muzikë rregullisht në evente të brendeve të mëdhaja botërore dhe është organizuese e eventeve të saj “Shari Vari” ku prezanton artista nga bota muzikore internacionale underground.

Tomoki Tamura, DJ dhe producent nga Osaka, Japonia është emri i dytë i lajmëruar në line-upin e Rave Festival. Ai e zhvilloi karrierën duke lëshuar muzikë në klubet më të mëdhaja në Osaka për të vazhduar jetën në Londër, ku filloi eventin e quajtur “Holic” në 2004. Deri më sot, Tamura ka lancuar më shumë se 40 disqe. Ai tani jeton në Berlin, i cili  argëton një audiencë botërore duke na përfshirë tashmë edhe Prishtinë më 5 Nëntor./katrori.info

Biletat online mund ti gjeni në: www.rave-travel.com.