Në panairin “Summer Fancy Food Show 2024” i cili po mbahet nga data 23 deri më 25 qershor 2024, në New York të SHBA-së, mes ekspozuesve të shumtë po marrin pjesë edhe kompani nga Kosova, përcjell albinfo.ch.
Hapësira ekspozuese prej 65 m2 për kompanitë kosovare në këtë panair është organizuar nga Ministria e Industrisë, Ndërmarrësisë dhe Tregtisë (MINT), përmes Agjencisë për Investime dhe Përkrahjen e Ndërmarrjeve në Kosovë (KIESA).
Para pjesëmarrësve në këtë panair, kompanitë nga Kosova: Frutti, Ask Foods, Erc Trade dhe Royal Paper Cups, po ekspozojnë një gamë të gjerë produktesh ushqimore dhe joushqimore si dhe pije të ndryshme.
Mundesh me e lexu edhe...
Po ashtu, gjatë panairit përfaqësuesit e kompanive kosovare po zhvillojnë edhe kontakte me pjesëmarrës dhe blerës potencial me qëllim të krijimit të bashkëpunimit, rritjes së prodhimit dhe të eksportit.
Panairi “Summer Fancy Food Show 2024”, njihet si një ndër panairet më të mëdhenjë në SHBA i dedikuar ekskluzivisht për ushqimet dhe pijet e specializuara./Katror.info
Përgatiti:
