Pas një paraqitjeje spektakolare në Grammy 2024, ku magjepsi publikun me performancën dhe stilin e saj, Dua Lipa nuk u pa në tapetin e kuq të ceremonisë së Grammy Awards 2025. Kjo mungesë nuk ishte e papritur, pasi albumi i saj i tretë, Radical Optimism, nuk arriti të sigurojë asnjë nominim në kategoritë e përgjithshme dhe ato të muzikës pop, shkruan Katror.info.
Mospërfshirja e albumit në nominime ishte një tronditje për fansat e saj, veçanërisht duke pasur parasysh suksesin e albumit të mëparshëm Future Nostalgia (2021), i cili i solli Duas një Grammy për Albumin më të Mirë Vokal Pop. Pavarësisht kësaj, këngëtarja me origjinë shqiptare e ka pritur me qetësi këtë zhvillim.
Në një intervistë dhjetorin e kaluar për Billboard UK, Dua u shpreh se është krenare për albumin e saj dhe për rrugëtimin artistik që ai i ka sjellë. “Jam shumë krenare për Radical Optimism dhe për atë ku më ka çuar. E dua këtë album dhe po shijoj çdo moment duke e performuar live. Kam pasur mundësi të realizoj gjëra që dikur vetëm i ëndërroja, ndaj jam vërtet mirënjohëse,” tha ajo.
Mundesh me e lexu edhe…
Duke reflektuar mbi mungesën e saj në nominime, ajo u shpreh se kjo nuk e ndryshon aspak mënyrën se si ndihet për albumin e saj dhe se është e lumtur që shumë artiste femra janë njohur këtë vit në Grammy. “Megjithëse do të ishte mirë të njihesha nga industria, veçanërisht si grua, jam shumë krenare që shoh kaq shumë artiste të pabesueshme të nominuara,” shtoi ajo, duke përmendur edhe mikeshën e saj Charli XCX.
Ndërkohë, Dua nuk është e përqendruar te mungesa e një nominimi, pasi është e angazhuar me përgatitjet për turneun e saj botëror, i cili nis në mars. Përveç kësaj, ajo është parë duke shijuar javën e modës në Paris, ndërsa kalon kohë me të fejuarin e saj të përfolur, aktorin Callum Turner./Katror.info
Përgatiti:
