Paris Saint-Germain ka arritur një fitore të thellë ndaj Real Madridit me rezultat 4-0, në gjysmëfinalen e Kampionatit Botëror për Klube.
Skuadra franceze, kampione e Evropës, shfaqi dominim të plotë gjatë gjithë ndeshjes, duke treguar superioritet taktik dhe teknik ndaj madrilenëve.
Ekipi i udhëhequr nga trajneri Luis Suarez vendosi fatin e takimit brenda 24 minutave të para, duke shënuar tre herë përmes Ruiz (dy herë në minutat 6 dhe 24) dhe Dembélé (9′).
Pjesa e parë përfundoi 3-0, ndërsa në pjesën e dytë, PSG vazhdoi të krijojë raste dhe të kontrollojë ritmin. Sergio Ramos shënoi golin e katërt në minutën e 87-të, duke vulosur rezultatin përfundimtar 4-0.
Me këtë triumf, PSG kualifikohet në finalen e turneut, ku do të përballet me Chelsean të dielën në mbrëmje./Katror.info
