Ministria e Arsimit, Shkencës, Teknologjisë dhe Inovacionit (MAShTI) ka publikuar rezultatet preliminare të Provimit të Maturës për vitin 2025, ku sipas të dhënave zyrtare, 68.6% e maturantëve kanë arritur ta kalojnë testin, shkruan Katror.info.
Sipas MAShTI-t, nga gjithsej 18.800 nxënës që kanë aplikuar për test, 18.130 prej tyre i janë nënshtruar provimit. Prej tyre, 12.316 maturantë kanë kaluar me sukses, duke treguar një përqindje të kalueshmërisë prej 68.6%.
”Ministria e Arsimit, Shkencës, Teknologjisë dhe Inovacionit (MAShTI), ka publikuar rezultatet e Provimit të Maturës ku nga 18.800 maturantë që kanë aplikuar, testit i janë nënshtruar 18.130 maturantë. Prej tyre kanë kaluar 12.316 apo 68.6%”, thuhet në njoftim.
Mundesh me e lexu edhe…
MAShTI ka bërë të ditur se 18.016 nxënës kanë pranuar rezultatin preliminar përmes platformës eKosova.
MAShTI ka njoftuar se ankesat për rezultatet mund të parashtrohen nga 1 deri më 3 korrik, ndërsa certifikatat e Provimit të Maturës do të jenë të gatshme për shkarkim po ashtu në platformën eKosova, në periudhën nga 3 deri më 7 korrik 2025. /Katror.info
Përgatiti:
