Qendra Kosovare për Rehabilitimin e të Mbijetuarve të Torturës (QKRMT), në bashkëpunim me Medica Kosova dhe organizatat pjesë e platformës “Bëhu Zëri Im”, ka organizuar punëtorinë për feminizmin si pjesë e projektit “Fuqizimi i Zërave”, shkruan Katror.info.
Kjo punëtori shërbeu si një hapësirë reflektimi të thelluar dhe diskutimi të hapur mbi normat patriarkale, sfidimin e stereotipeve gjinore dhe rëndësinë e përfshirjes së qasjeve feministe në punën me të mbijetuarit e dhunës seksuale gjatë luftës në Kosovë.
Qëllimi kryesor i këtij aktiviteti ishte të forcojë kuptimin dhe praktikimin e feminizmit si mjet për fuqizim, drejtësi dhe rehabilitim, duke krijuar një rrjet solidar dhe mbështetës për gratë dhe burrat që kanë përjetuar trauma të rënda.
Mundesh me e lexu edhe…
Punëtoria është organizuar në kuadër të projektit “Fuqizimi i Zërave”, i cili mbështetet nga BMZ (Ministria Federale Gjermane për Bashkëpunim dhe Zhvillim Ekonomik) dhe organizata gjermane medica mondiale e. V..
Ky aktivitet është pjesë e përpjekjeve të vazhdueshme për ndërtimin e një shoqërie më të drejtë dhe të barabartë, ku zërat e të mbijetuarve të dëgjohen dhe fuqizohen./Katror.info
