Sot, më shumë njerëz se kurrë më parë në mbarë botën kanë qasje në forma të ndryshme të mbrojtjes sociale, si pensione, përfitime për personat me aftësi të kufizuara dhe ndihma financiare direkte.
Kështu thuhet në një raport të ri të Bankës Botërore, ku theksohet se këto programe po ndihmojnë gjithnjë e më shumë njerëz që të përballen me krizat, të dalin nga varfëria, të përshtaten gjatë periudhave të tranzicionit dhe të përfitojnë nga mundësitë për punësim, shkruan Positive News, transmeton Katror.info.
Sipas raportit, në dhjetë vitet e fundit, 4.7 miliardë persona në vendet me të ardhura të ulëta dhe të mesme kanë fituar qasje në mbrojtje sociale.
Mundesh me e lexu edhe…
Por pavarësisht këtij përparimi, rreth dy miliardë njerëz në këto vende mbeten ende të pambuluar ose të mbuluar në mënyrë të pamjaftueshme.
“Mbrojtja sociale që është e mirëprojektuar sjell përfitime të mëdha – ajo përforcon zhvillimin afatgjatë të kapitalit njerëzor, nxit rritjen ekonomike dhe i ndihmon njerëzit të bëhen më të pavarur ekonomikisht,” thuhet në deklaratën e Bankës Botërore.
“Për çdo 1 dollar të dhënë si ndihmë për familjet e varfëra, krijohet një efekt pozitiv prej rreth 2.50 dollarësh në ekonominë lokale”,thuhet, ndër të tjera në deklaratë. /Katror.info
Përgatiti:
