Qendra Kinematografike e Kosovës (QKK) ka shpallur listën e projekteve fituese të konkursit për mbështetjen e projekteve filmike të metrazhit të gjatë artistik, i cili u hap më 12 dhjetor 2024. Nga 12 aplikime të pranuara, pas vlerësimit nga juria dhe komisioni financiar, janë përzgjedhur tre projekte për mbështetje financiare, shkruan Katror.info.
Projekti “Dua”, me producent Valon Bajgorën dhe regjisore e skenariste Blerta Bashollin, nga shtëpia filmike IKONE Studio SH.P.K, ka fituar një subvencion prej 340,000 eurosh.
Projekti “Dua të shkoj sërish në det”, me producent Valmira Hysenin dhe regjisor e skenarist Leart Ramën, nga shtëpia filmike Plan Bee Film SH.P.K, është mbështetur me 240,000 euro.
Mundesh me e lexu edhe…
Ndërsa projekti “Gjurmë”, me producent Jon Gojanin, regjisore Rita Krasniqin dhe skenaristë Jon Gojanin e Rita Krasniqin, nga shtëpia filmike Kot Production SH.P.K, ka siguruar një subvencion prej 220,000 eurosh.
Për më shumë detaje, mund të konsultoni listën e plotë të projekteve fituese në dokumentin zyrtar të QKK-së./Katror.info
Përgatiti:
