Qendra Klinike Universitare e Kosovës (QKUK) ka bërë të ditur se gjatë vitit 2024 ka ofruar mbi 193 mijë shërbime radiologjike për pacientët në Klinikën e Radiologjisë, përcjell Katror.info.
Sipas të dhënave zyrtare, nga ky numër, 110 mijë ishin ekzaminime me radiografi, mbi 36 mijë ishin tomografi të kompjuterizuara (CT), ndërsa 12,315 pacientë iu nënshtruan rezonancës magnetike. Po ashtu, janë realizuar 2,500 mamografi, 31,334 ekografi (ultrazë), 2,000 tomografi të kompjuterizuara-angiografi, 78 angiografi-DSA dhe 1,343 bio-OSU. Në Stroke Center, shërbime kanë marrë 21 pacientë.
Bazuar në raportin e Klinikës së Radiologjisë, lista e pritjes për rezonancë magnetike është deri më 3 prill 2025, ndërsa për skanerin CT, deri më 10 mars 2025./Katror.info
Mundesh me e lexu edhe…
Përgatiti:
