Quincy Jones, muzicient dhe producent që ka punuar me artistë si Michael Jackson, Frank Sinatra dhe shumë të tjerë, u shua në moshën 91-vjeçare.
Publicisti i Jones, Arnold Robinson, njoftoi se Jones vdiq të dielën mbrëma në shtëpinë e tij në Bel Air.
“Sonte, me zemër plot, por të thyer, ndajmë me ju lajmin për vdekjen e babait dhe vëllait tonë, Quincy Jones. Dhe megjithëse kjo është një humbje e pabesueshme për familjen tonë, e festojmë jetën e mrekullueshme që ai e jetoi dhe e dimë se nuk do të ketë kurrë një tjetër si ai”, tha familja në një deklaratë.
Mundesh me e lexu edhe...
Jones u bë i njohur si producenti i albumit “Thriller” të Michael Jackson.
Gjatë karrierës së tij që zgjati mbi 75 vjet, ai fitoi 28 çmime Grammy dhe u emërua si një nga muzikantët më me ndikim të xhazit të shekullit të XX-të nga revista Time.
Ai prodhoi dhe drejtoi incizimin e këngës bamirëse rekorde të vitit 1985, “We Are The World”.
Gjithashtu kompozoi kolona zanore për më shumë se 30 filma, duke përfshirë “Heat of the Night”, “The Color Purple” dhe “The Italian Job”./Katror.info
Përgatiti:
