Dimri po afrohet e po ashtu edhe përgatitjet për të kanë filluar.
Meqenëse çmimet në përgjithësi janë rritur për shkak të luftës në Ukrainë dhe vendosjes së sanksioneve ndaj Rusisë, ne kemi mendu me ua prezentu pesë mënyra të thjeshta dhe tejet kursyese për ta ngrohur shtëpinë apo banesën tuaj.
Përveç rritjes së çmimit të energjisë elektrike, ata që gjatë dimrit ngrohen me ngrohje apo dru po përballen edhe me fatura më të larta. Me ndihmën e këtyre këshillave ju mund ta ngrohni shtëpinë tuaj pa kosto të shtuar, shkruan Abcnews.
Mundesh me e lexu edhe...
Përdorni furrën e gatimit
Pasi ta keni përgatitur gjellën, kur ta fikni furrën, lëreni të hapur. Në këtë mënyrë, nxehtësia e mbetur në furrë do ta ngrohë dhomën në të cilën gjendet. Prej këtij procesi do të fitoni dy herë – një vakt dhe një dhomë të ngrohtë.
Mbuloni dyert dhe dritaret
Nëse mbyllja e dyerve dhe dritareve është e dobët kjo mund ta mbajë shtëpinë tuaj të freskët. Kushtojini vëmendje hapësirave të vogla dhe përpiquni t’i mbuloni me ndonjë leckë apo sfungjer.
Mbyllni dhomat
Nëse jetoni në një shtëpi apo apartament me disa dhoma dhe ato dhoma ku nuk kaloni shumë kohë, mos i lëni hapur. Kjo do të mbajë mjaftueshëm nxehtësi në dhomën kryesore, siç është dhoma e ndenjës.
Shfrytëzoni qilimat
Qilimat, sidomos qilimat e trashë kanë kapacitetin t’ju mbajnë të mbrojtur nga i ftohti i dyshemesë.
Kontrolloni radiatorët
Para se të filloj sezoni i ngohjes, nëse keni ngrohje qendrore, kontrolloni të gjithë radiatorët në shtëpi. Nëse ajri bllokohet në to, atëherë ata nuk do të funksionojnë siç duhet. Kështu që këshillohet t’i shlironi pakëz valvulat dhe t’i lini radiatorët të marrin pak ajër./Katror.info
Përgatiti:
