Ministrja e Punëve të Jashtme e Republikës së Kosovës, Donika Gërvalla një ditë më parë ka bërë të ditur se të gjithë qytetarët e Kosovës që për arsye të ndryshme kanë qenë të detyruar të heqin dorë nga shtetësia e Kosovës mund ta rikthejnë atë përmes procedurave të lehtësuara, të shpejta dhe pa asnjë pagesë, përcjell Telegrafi.
Gërvalla tutja theksoi rikthimi i shtetësisë së Kosovës është një akt jo vetëm simbolik.
“….Lidhet me shumë të drejta që janë të rezervuara vetëm për qytetarët e Kosovës, si e drejta për të votuar dhe për t’u votuar. Kosova ka nevojë për ju. Prandaj, aplikoni sa më parë pranë konsullatave tona ose në komunën prej nga vini dhe bëhuni sërish shtetas të Republikës së Kosovës!”, thotë Gërvalla.
Mundesh me e lexu edhe…
E lidhur me rikthimin e shtetësisë së Republikës së Kosovës, ka shkruar sot edhe këshilltari në MPJD-së, Leutrim Sahiti.
Ai në një postim në Facebook bën të ditur se rikthimi i shtetësisë së Republikës së Kosovës tani pa pagesë.
“370, 250 dhe 200 euro, ishin tarifat për rikthimin e shtetësisë së Kosovës, varësisht nga shteti ku bëhej aplikimi. Sot mërgimtarët mund të rikthejnë shtetësinë e Kosovës, shpejtë, lehtë dhe pa asnjë pagesë”, shkruan ai. /Katror.info
Përgatiti:
