Sipas një studimi të ri, shumë njerëz që kërkojnë të ikin nga vendi i tyre teksa kostot e jetës bëhen gjithnjë e më të larta, zakonisht shkojnë në Tajlandë ose në Hungari.
Gjatë vitit të fundit, kostot e jetesës janë rritur në mënyrë drastike në shumë vende europiane, pasi inflacioni ka arritur norma dyshifrore.
Tani që ka ardhur i ftohti i dimrit dhe është shtuar mundësia për të pasur taksa të reja, perspektiva për disa pushime të lira dhe të ngrohta po bëhet gjithnjë e më joshëse.
Mundesh me e lexu edhe…
Një kompani e specializuar në organizimin e pushimeve ka hedhur pak dritë mbi qytetet që ofrojnë mundësitë më të mira për të udhëtuar, jetuar dhe punuar – të gjitha këto me një kosto të përballueshme.
Holidu ka analizuar një listë të destinacioneve të udhëtimeve në mbarë botën dhe ka zbuluar se cilat ofrojnë cilësinë më të mirë për paratë që shpenzoni kur qëndroni atje për një muaj, përgjatë gjithë dimrit, apo edhe për një vit.
Megjithatë, krahas kostos, ka edhe faktorë të tjerë të rëndësishëm për t’u marrë parasysh kur kërkon të lëvizësh jashtë vendit për një periudhë kohore. Kjo është arsyeja pse kompania ka konsideruar edhe sistemet e kujdesit shëndetësor, rrjetin e energjisë elektrike dhe shpejtësinë e internetit në renditjen e saj.
Sipas studimeve, Chiang Mai në Tajlandë është vendi që ofron cilësinë më të mirë. Aty, një apartament me një dhomë kushton 259,16 £ në muaj, ushqimi në restorant shkon vetëm 1,15 £, një birrë është 1,40 £ dhe bileta për të përdorur transportin publik është 0,69 £.
Chiang Mai
Përveçse është i përballueshëm, Chiang Mai është një qytet i shekullit XIII, me qindra tempuj budistë dhe disa vargmale shumë të bukura.
Kostoja mesatare mujore e jetesës aty është 387,33 £.
Budapesti
Në vendin e dytë është Budapesti, ku një person mund të jetojë për 555,50 £ në muaj.
Kryeqyteti hungarez është një nga qytetet e mëdha më të përballueshme në kontinent, ndërkohë që ofron gjithashtu një skenë të pasur muzikore dhe jetë nate, si dhe aksesin e lehtë të shumë qyteteve të tjera të mëdha europiane për shkak të pozicionit të tij në Europën Qendrore.
Loxh në Poloninë qendrore është renditur në vendin e tretë, me një kosto jeteseje prej 541,39 £ në muaj.
Megjithëse profili i tij ndërkombëtar nuk është aq i lartë sa ai i qyteteve të tjera në listë, popullsia prej 600,000 banorësh e Loxh po e kthen këtë qytet ku baza dikur ishte prodhimit i tekstileve, në një qendër të gjallë e kulturore.
Renditja e qyteteve ku mund të jetoni me pak para
Chiang Mai, Tajlandë – 387,33 £ në muaj
Budapest, Hungari – 555,50 £
Łódź, Poloni – 541,39 £
Hanoi, Vietnam – 388,49 £
Hanoi
Poznań, Poloni – 596,58 £
Bukuresht, Rumani – 599,24 £
Phuket, Tajlandë – 430,10 £
Bangkok, Tajlandë – 616,91 £
Seul, Koreja e Jugut – 852,50 £
Buenos Aires, Argjentinë – 402,42 £
Duke lënë mënjanë cilësinë e jetesës, qyteti me koston më të lirë të jetesës është Giza në Egjipt.
Ky qytet ka një kosto mesatare mujore jetesje prej rreth 224,81 £, ku një apartament me një dhomë gjumi kushton vetëm 108,19 £ në muaj./Katror.info
Përgatiti:
