Sipas Indeksit Global të Jetueshmërisë për vitin 2025, i përgatitur nga The Economist Intelligence Unit, qyteti më i banueshëm në botë është Kopenhageni, duke i dhënë fund epërsisë trevjeçare të Vjenës.
Ky indeks vlerëson mbi 30 tregues të shpërndarë në pesë kategori: stabilitet, shëndetësi, kulturë dhe mjedis, arsim dhe infrastrukturë.
Kopenhageni arriti rezultatin më të lartë të përgjithshëm me 98 pikë nga 100 të mundshme, falë notave maksimale në stabilitet, arsim dhe infrastrukturë. Vjena dhe Cyrihu ndajnë vendin e dytë me nga 97.1 pikë.
Mundesh me e lexu edhe…
Melburni dhe Gjeneva renditen më pas, ndërsa Australia konfirmon dominimin e saj në renditje me tre qytete në dhjetëshen e parë: Melburn, Sidnej e Adelaide.
Ndërkohë, Vankuveri është i vetmi qytet nga Amerika e Veriut që mbetet në listë, pasi Kalgari ra nga vendi i pestë në të tetëmbëdhjetin, për shkak të rënies së vlerësimeve në sektorin e kujdesit shëndetësor.
Zvicra gjithashtu shënon një prani të fortë me dy qytete, Zyrihun e Gjenevën, si dhe është shpallur vendi më i mirë për të jetuar e punuar për vitin 2025.
Në rastin e Vjenës, rënia në renditje lidhet me një kërcënim për bombë para një koncerti të Taylor Swift-it dhe një sulmi të planifikuar në një stacion treni, që ndikuan negativisht në pikët për stabilitetin.
Në përgjithësi, qytetet e Europës Perëndimore dhe rajonit Azi-Paqësor vazhdojnë të dominojnë renditjen. Megjithëse rezultati mesatar global i jetueshmërisë mbeti i pandryshuar nga viti 2024 në 76.1 pikë, ka një rënie të vazhdueshme në kategorinë e stabilitetit për shkak të tensioneve gjeopolitike dhe trazirave civile në shumë pjesë të botës.
Renditja e 10 Qyteteve më të Banueshme në Botë për 2025:
1. Kopenhagen – Danimarkë – 98.0
2. Vjenë – Austri – 97.1
3. Zyrih – Zvicër – 97.1
4. Melburn – Australi – 97.0
5. Gjenevë – Zvicër – 96.8
6. Sidnej – Australi – 96.6
7. Osaka – Japoni – 96.0
8. Auckland – Zelandë e Re – 96.0
9. Adelaide – Australi – 95.9
10. Vankuver – Kanada – 95.8/shqip.al/Katror.info
Përgatiti:
