Jo Pekini, jo Nju Jorku. Një tjetër qytet fiton titullin e më të madhit në planet. Ka më shumë se 32 milionë banorë të përhershëm dhe është një nga vendet më misterioze në botë. Bëhet fjalë për qytetin Chongqing, i cili ndodhet në jugperëndim të Kinës dhe është qyteti më i madh dhe më i populluar në botë.
Emri i tij mund të mos na duket i njohur, pasi deri më sot shumica prej nesh mendonin se titullin e qytetit më të madh në planet do ta mbante Tokio, Pekini apo edhe Nju Jorku. E megjithatë, ky qytet i panjohur i Kinës i lë pas të gjithë, shkruan abcnews.al.
E kemi fjalën për një qytet, që nuk është as kryeqytet. Si ka mundësi që as nuk kemi dëgjuar për të? Arsyeja është se në Kinë nuk është qyteti më i rëndësishëm dhe kështu lajmet nga vendi më i populluar në botë vijnë kryesisht nga Pekini dhe Shangai.
Mundesh me e lexu edhe…
Chongqing është plot me rrokaqiej, ura futuriste dhe një metro që në disa pjesë kalon nëpër ndërtesa! Të vizitosh këtë qytet kinez është jo vetëm interesante, por edhe shumë e lirë. Kostoja e jetesës është e ulët. Kjo është arsyeja pse të qenit turist në Chongqing ju lejon të vizitoni të gjithë qytetin të qetë dhe pa shpenzuar shumë. Chongqing është qyteti më i madh në botë për nga popullsia kur matet për sa i përket komunës, megjithëse është në vendin e tretë nëse matet për nga zona metropolitane, pak pas Tokios (39 milion njerëz) dhe Xhakartës.
Vlen të përmendet se Chongqing është aq i madh sa për ta kaluar atë nga një vend në tjetrin, mund të duhen dy ditë. Dikush mund të thotë se madhësia e këtij qyteti të veçantë është aq e madhe sa e gjithë Austria për shembull. Diçka që justifikon disi faktin që ka një popullsi kaq të madhe./Katror.info
Përgatiti:
