Në një komunitet të vogël në jug të Gjermanisë, duket se nuk kanë dëgjuar për inflacionin dhe rritjen e çmimeve, veçanërisht për qiratë, që është gjithmonë një shpenzim i madh. Ata kanë të njëjtin çmim për gati gjysmë mijëvjeçari. Pse është kështu?
Jo larg qendrës së qytetit të Augsburgut, ka 142 banorë që jetojnë në një vendbanim të bukur. Është një vend i qetë me oborre dhe mure idilike të dekoruara me hardhi, i ndërtuar mbi një marrëveshje 500-vjeçare. Banorët e Fugerajt nuk paguajnë qiranë vjetore më shumë se 0.88 euro, që është më pak se një euro.
Familja Fuggerei u vendos në këtë vend në fillim të shekullit të 16-të dhe jetonte kryesisht nga tregtia. Biznesi po lulëzonte dhe ata ishin ndër njerëzit më të pasur në zonë. Me kalimin e viteve ata fituan prona të mëdha dhe pasuri të paluajtshme në të gjithë Augsburgun dhe themeluan disa lëvizje shoqërore.
Mundesh me e lexu edhe...
Jakob Fugger ishte bankieri më i pasur në qytet, kjo është arsyeja pse ai u quajt Jakob Fugger i Pasuri. Megjithatë, në përputhje me parimet e familjes së tij, Jakob Fugger ishte modest dhe donte t’i kthente të mira shoqërisë. Vizioni i tij ishte strehim i lirë dhe i denjë për banorët më të varfër, sipas Culture Trip.
Kështu lindi Fuggerei në vitin 1521 kur dhuroi tokë për ngritjen e një kompleksi banesash sociale. Ishte kompleksi i parë i këtij lloji në botë, por banorët duhej të ndiqnin disa rregulla. Ata duhej të ishin katolikë, të ishin qytetarë të Augsburgut dhe të ishin të dobishëm për shoqërinë.
Me atë rast u ra dakord për qiranë vjetore për njërën prej apartamenteve, e cila ishte atëbotë një gulden, që është saktësisht 0.88 euro. Jakob Fugger krijoi një fond bamirësie për të financuar kompleksin e banesave sociale, i cili mbulon edhe sot një pjesë të shpenzimeve./Katror.info
Përgatiti:
