Kryeministri shqiptar Edi Rama ka treguar të premtes se si legjislacioni me Bashkimin Evropian (BE) do të bëhet në sajë të Inteligjencës Artificiale.
“Ju e dini si është jeta, secili ka fiksimin e vet dhe unë kam fiksimin tim”, u shpreh Rama, ndërsa nisi të tregonte historinë se si e kishte kontaktuar shqiptaren Mira Muratin, shefe e teknologjisë në OpenAI.
Ai tha se e kishte kontaktuar me një ndrojtje që nuk e karakterizon dhe ajo i kishte mundësuar një bisedë telefonike. Kryeministri tregoi se si i kishte kërkuar ndihme për ta bërë Shqipërinë gati më shpejt për anëtarësimin në Bashkimin Europian, njoftojnë mediat në Shqipëri.
Mundesh me e lexu edhe...
“A është e mundur që në vend se ne siç kanë bërë vendet e tjera më parë, të rekrutojmë një armatë me përkthyes dhe një batalion me juristë, dhe të shpenzojmë s’di se sa dhjetëra miliona euro për të bërë gati në shqip malin me masat ligjore të be ta bëjmë këtë përmes ChatGPT”, e kishte pyetur Rama.
Murati ishte treguar e gatshme dhe kryeministri tha se së bashku me një ekip kanë punuar për ta bërë të mundur këtë.
“Sot dua ta ndaj me ju që në 13 dhjetor në Bruksel, kur të mbarojë mbledhja, bashkë me dilemën greke, unë do t’ua lë si kartolinë të vitit të ri të Shqipërisë të gjithë liderëve të Bashkimit Europian, rezultatin e testit të suksesshëm, të modelit shqiptar të Inteligjencës Artificiale, për ndërvendosjen në legjislacionin tonë të 280 mijë faqeve, masa ligjore të BE-së”, tregoi Rama./Katror.info
Përgatiti:
