Zyra e Rregullatorit për Energji (ZRRE) ka bërë të ditur se KOSTT, KEDS dhe KESCO kanë dorëzuar kërkesat për përshtatjen e të Hyrave të Lejuara për vitin 2025, shkruan Katror.info.
Sipas njoftimit të ZRRE-së, kërkesat janë paraqitur në përputhje me kuadrin ligjor dhe tashmë janë publikuar në faqen zyrtare të institucionit, ku mund të aksesohen nga publiku.
ZRRE ka njoftuar se do të shqyrtojë në detaje dokumentet e dorëzuara dhe pas vlerësimit të tyre do të hartojë një raport për konsultim publik.
Mundesh me e lexu edhe…
“Ky raport do të përmbajë analiza dhe rekomandime dhe do të jetë i hapur për komente nga qytetarët dhe palët e interesuara për një periudhë dyjavore. Pas shqyrtimit të sugjerimeve të marra gjatë konsultimit publik, ZRRE do të përgatisë vlerësimin përfundimtar, i cili do t’i dorëzohet Bordit të ZRRE-së për miratim. Ky proces synon të garantojë transparencë dhe përfshirjen e publikut në vendimmarrje,” thuhet në sqarimin e ZRRE-së.
Për momentin, ZRRE nuk ka dhënë asnjë qëndrim mbi mundësinë e ndryshimit të tarifave të energjisë elektrike për vitin 2025.
“Çdo spekulim lidhur me rritjen e tarifave, përpara publikimit të raportit të ZRRE-së, është i pavërtetë dhe i pabazuar,” theksohet në sqarimin e institucionit./Katror.info
Përgatiti:
