Restoranti Botin në Madrid u themelua në vitin 1725 dhe është renditur në Librin e Rekordeve Guinness si restoranti më i vjetër në botë.
Disa turistë vizituan restorantin Botin për të provuar të zbulojnë disa nga sekretet e jetëgjatësisë së tij. Një nga veçoritë më unike të restorantit është furra, e cila punon vazhdimisht për gati 300 vjet.
![](https://katror.info/wp-content/uploads/2022/12/Madrid-Botin-oven.jpg)
“Është xhevahiri ynë. Xhevahiri ynë në kurorë”, ka thënë zëvendësdrejtori i Botin – Luis Javier Sanchez, i cili ka punuar në restorant pothuajse gjatë gjithë jetës së tij, më shumë se 45 vjet.
“Ne nuk e fikim kurrë. Duhet të jetë e nxehtë natën dhe gati për t’u pjekur në mëngjes. Kjo është arsyeja pse nuk duhet ta fikim kurrë. Ka një aromë të veçantë, është vërtet mahnitëse”, shpjegoi ai.
Është po aq e mahnitshme se sa i përkushtuar është restoranti për të ruajtur ushqimin që shërben.
“Recetat tona janë shumë të vjetra, që kur paraardhësit tanë e themeluan restorantin”, shtoi ai, “dhe ne i kemi qëndruar besnikë atyre recetave që atëherë”,
Mirëpo, restoranti Botin nuk ka “ngecur” plotësisht në të kaluarën – ka një faqe interneti dhe të gjitha profilet e nevojshme në rrjetet sociale, shkruan revista “Food and Vine”.