Aktori, Richard Gere, duke bërë shaka ka thënë se gruaja e tij, Alejandra Silva, e ka ngatërruar atë me kolegun e tij George Clooney janë takuar për herë të parë.
Aktori i filmit “Pretty Woman” dhe Alejandra u takuan në vitin 2014 në një hotel në Positano të Italisë, dhe Gere ka treguar se ajo nuk e dinte kush ishte, ani pse ajo i ka treguar se kishte parë disa nga filmat e tij. Megjithatë, ai duke qeshur ka thënë se ajo mund ta kishte ngatërruar me Clooney-n, tjetër aktor të njohur me flokë të thinjur.
“Ajo nuk kishte asnjë ide kush isha kur u takuam, asnjë! Ajo nuk shihte filma, gjë që ishte shumë mirë, isha shumë i lumtur për këtë”, ka thënë Gere për revistën Elle Spain.
Mundesh me e lexu edhe…
Por Alejandra, 41 vjeç, e kundërshtoi këtë, duke thënë: “Richard, e dija kush ishe, por nuk kam parë shumë nga filmat e tu”, percjell koha.
75 vjeçi iu përgjigj me shaka: “Ajo mendoi se isha George Clooney, por përveç kësaj, ajo e dinte saktësisht kush isha”.
Alejandra, e cila ka një djalë 11-vjeçar, Albert, nga një lidhje e mëparshme, dhe dy djemë e tjerë, Alexander, 5 vjeç, dhe James, 4 vjeç, me Geren, ka thënë se filmi i tij i vitit 2014, “Time Out of Mind”, ishte ai që e bëri të dashurohej me të. Ajo e cilësoi atë “shumë tërheqës” në këtë film.
Ndërkohë, Richard ka treguar se është duke mësuar spanjisht, por ka pranuar se frazat që di nuk janë të përshtatshme për t’u thënë në publik.
“Kam pasur një të dashur nga Brazili për një kohë të gjatë, por gjithçka që dija ishin fjalë të pista. Kështu që kjo është mënyra e vetme se si mund të flas në portugalisht dhe po ashtu në spanjisht, prandaj më vjen keq që nuk mund ta bëj tani”, ka thënë aktori.
Ylli i filmit “Arbitrage” ka pranuar gjithashtu se “menjëherë” u dashurua me Alejandrën.
Kur u pyet nëse u dashurua me të në shikim të parë, ai për revistën “Sunday Times” pati thënë se “po”:
“Menjëherë nga ana ime. U bëra i lumtur menjëherë vetëm duke e parë atë. Ishte një nga ato momentet shumë të fuqishme. Po, kam qenë i martuar tri herë, por nuk kam pasur një lidhje kaq të fuqishme si kjo. Por e mbaj mend herën e parë që takova secilën nga gratë e mia”, ka thënë Gere./Katror.info
Përgatiti:
