Këngëtarja e famshme, 37 vjeç, është në pritje të fëmijës së tretë me partnerin e saj, reperin A$AP Rocky – lajmin e ka konfirmuar një burim për “Page Six”.
Rihanna tregoi për herë të parë barkun e saj të rrumbullakosur në Met Gala 2025, në New York, mbrëmjen e së hënës!
Ajo e kishte veshur një kombinim elegant që e vinte në pah shtatzëninë – me kravatë me pika, xhaketë të shkurtër dhe kapelë të madhe fedora.
Mundesh me e lexu edhe…
RiRi u shfaq në tapetin blu veçmas nga partneri i saj A$AP Rocky, i cili këtë vit është një nga bashkë-moderatorët e Met Gala-s.
Teksa pozonte përpara kamerave, RiRi vuri dorën mbi barkun e rrumbullakosur dhe tha me humor: “E solla fëmijën.”
Gazetarët e “Extra” ishin aty kur A$AP Rocky konfirmoi për Nate Burleson nga “CBS This Morning” se ata janë në pritje të fëmijës së tyre të tretë. Kur u pyet ta përfundonte fjalinë “Veshja e Rihannës sonte është…”, reperi u përgjigj: “Veshja e Rihannës sonte është… s’e di, çfarëdo. Vetëm mos ia mbuloni barkun e bebit, a po kupton?”
Rihanna dhe A$AP Rocky janë tashmë prindër të dy djemve: RZA, i lindur në maj 2022, dhe Riot Rose, që erdhi në jetë në gusht 2023.
Në dhjetor të vitit të kaluar, Rihanna kishte lënë të kuptohej se dëshironte një tjetër fëmijë, kur gjatë një interviste për “E! News” tha me humor:
Deri më tani kam vetëm djem. Jam në 75 për qind për një tjetër djalë, por po mbajmë gishtat e kryqëzuar.
Që prej vitit 2020, ylli i muzikës dhe sipërmarrësja e suksesshme ka folur hapur për dëshirën e saj për të pasur një familje të madhe, duke i thënë “British Vogue” se e shihte veten me tre apo katër fëmijë – me ose pa partner./Katror.info
Përgatiti:
