Seriali “The Crown” po kthehet pas një kohe, ndërkohë që sezoni i pestë i shfaqjes sapo u shfaq premierë, kamerat tashmë po rrotullohen për sezonin e gjashtë të dramës hit të Netflix të frymëzuar nga jeta e familjes mbretërore britanike.
Së fundmi është filmuar një moment i njohur në histori, derisa aktoret Viola Prettejohn dhe Beau Gadsdon u fotografuan duke shëtitur në Londër, ashtu sikur kur mbretëresha Elizabeth ishte adoleshente bashkë me princeshën Margaret, shkruan People.
Dyshja dukej se po riprezantonin Ditën e VE më 8 maj të vitit 1945, duke festuar fitoren e fuqive aleate dhe fundin e Luftës së Dytë Botërore.
Mundesh me e lexu edhe...
Ngjarja e rëndësishme bëri që turma të mëdha njerëzish të nxitojnë në rrugët e Londrës dhe si rrallë herë, të rinjtë mbretërorë u lejuan të dilnin nga Pallati Buckingham për t’u bashkuar me ta.
Ndonëse Prettejohn dhe Gadson ecën në një qendër tregtare të zbrazët të mbushur me shirita dhe mbeturina, duke krijuar skenën që princeshat vizituan mëngjesin pas publikimit të lajmit, Elizabeth dhe Margaret iu afruan edhe më shumë veprimit në jetën reale.
Gjatë Luftës së Dytë Botërore, princesha e atëhershme Elizabeth shërbeu në një njësi rezervë dhe u emërua gjithashtu kolonel i Gardës së Grenadierëve.
Përgatiti:
