Duket se Rita Ora dhe bashkëshorti i saj. Taika Waititi janë bërë të pandashëm!
Para disa ditësh këngëtarja tregoi se ishte pikërisht Taika nga ku u frymëzua t’ia fillonte punës për albumin e ri, tashmë duket se dyshja do ta udhëheqin edhe një tjetër event të madh ndërkombëtar sa i përket muzikës.
Kantautorja me prejardhje kosovare, Rita Ora dhe regjisori i shpërblyer me “Oscar” dhe “Grammy”, Taika Waititi, do ta prezantojnë ceremoninë e sivjetme të ndarjes së çmimeve “MTV European Music Awards”, shkruan Koha.
Mundesh me e lexu edhe...
Fansat mund t’i votojnë artistët e tyre të preferuar në 17 kategoritë e ndryshme të ceremonisë, përfshirë këtu kategoritë për shpërblimet kryesore si, “Kënga më e mirë”, “Artisti më i mirë” dhe “Bashkëpunimi më i mirë”.
Sivjet në këtë kategori garojnë edhe tri shqiptare, Dua Lipa me këngën “Sweetest Pie” në bashkëpunim me Megan Thee Stalion, Bebe Rexha me “I’m Good” në bashkëpunim me David Guettan dhe Ava Max me hitin “The Motto” të sjellë në bashkëpunim me producentin, Tiwsto.
Në vitin 2017, Ora e udhëhoqi ceremoninë “EMA” ku ishte edhe e nominuar për disa çmime si dhe u nderua me shpërblimin, “Power of Music Award”. Ajo shquhet për një karrierë të suksesshme në muzikë, film dhe televizion, shkruan portali “Variety”.
Rreth rolit të tyre të ri, Rita dhe Taika, që besohet se janë çift i martuar në jetën e përditshme, në një deklaratë të përbashkët thanë: “Jemi të lumtur ta prezantojmë ceremoninë ‘MTV EMA’ dhe t’i nderojmë muzikantët dhe performuesit më të mirë nga i gjithë globi. Mezi presim ta ndajmë mbrëmjen me gjithë këta artistë të talentuar”.
Ngjarja “MTV European Music Awards” mbahet në Düsseldorf të Gjermanisë më 13 nëntor, dhe do të transmetohet live në kanalin “MTV” në më shumë se 170 shtete.
Harry Styles është kandidati kryesor i nomonuar për këtë vit.
Gjithashtu, kujtojmë se Rita Ora udhëhoqi EMA-të në vitin 2017./Katror.info
Përgatiti:
