Këngëtarja me origjinë shqiptare dhe famë ndërkombëtare, Rita Ora, ka zbuluar se do të jetë pjesë e një prej turneve muzikore më të mëdha të vitit 2025 në Australi.
Përmes një njoftimi në Instagram, ajo bëri të ditur se do t’i bashkohet Ricky Martin në një seri koncertesh të titulluara “Ricky Martin Live – Australia 2025”, që do të fillojnë në nëntor të këtij viti, raporton Katror.info.
Në materialin promovues të publikuar, Ricky Martin shfaqet në një performancë shpërthyese, ndërsa Rita Ora prezantohet si “e ftuara speciale” e turneut – një kombinim që ka ngjallur reagime entuziaste nga fansat në mbarë botën.
Mundesh me e lexu edhe…
Datat dhe qytetet e koncertit janë si më poshtë:
- 01 nëntor – Melbourne, Rod Laver Arena (të gjitha biletat e shitura)
- 02 nëntor – Melbourne (koncert shtesë i shtuar)
- 06 nëntor – Brisbane, Entertainment Centre (biletat e fundit)
- 08 nëntor – Canberra, GIO Stadium (biletat e fundit)
- 10 nëntor – Sydney, Qudos Bank Arena (biletat e fundit)
Turneu organizohet nga agjencia TEG Dainty, me të gjitha informacionet dhe biletat në dispozicion në faqen zyrtare.
Ky bashkëpunim i shumëpritur pritet të sjellë një seri performancash plot energji dhe emocion, dhe të bëhet një nga momentet kulmore të skenës muzikore në Australi në vitin 2025. Ndërkohë, fansat e Ritës shpresojnë që ajo të shtojë data të tjera në vende të ndryshme të botës./Katror.info
